Tgi che tschertga in'abitaziun en Svizra, dastga sperar da survegnir in tschains pli bass dapi l'avrigl. Dapi lura èn numnadamain ils tschains per abitaziuns sa reducids levet (-0,1%). Quai suenter ch'els eran mintgamai creschids ils mais avant. Quai tenor l'index dals tschains da locaziun ch'il portal d'immobiglias Homegate fa en collavuraziun cun la Banca chantunala da Turitg. Cumpareglià cun l'avrigl da l'onn passà resulta però anc adina ina creschientscha da 0,7%.
Era en il Grischun èn ils tschains offrids pli bass
Profità il pli fitg han ils chantuns Zug (-1,4%), Sutsilvania (-0,8%), Uri (-0,7%) e Sviz (-0,7%). En il Grischun vegnan las immobiglias offridas per in tschains radund 0,6% pli bass. En auters chantuns èn ils tschains però creschids - surproporziunalmain èni creschids a Genevra (+1,6%) e Schaffusa (+0,9%).