6,4 milliuns pernottaziuns han las abitaziuns da vacanzas ed ils alloschis collectivs en Svizra generà durant l'emprim mez onn. Cunzunt l'emprim quartal - quai è pli u main la stagiun d'enviern - èn las abitaziuns ed ils alloschis stads tschertgads communitgescha l'Uffizi federal da statistica.
Svizzers e Svizras prefereschan abitaziuns
Surtut indigens stattan gugent sur notg en abitaziuns da vacanzas. Dus terzs dals giasts en abitaziuns eran svizzers. Ils alloschis collectivs han perfin dumbrà 80 pertschient giasts indigens cun 2,3 milliuns pernottaziuns.
Questa statistica da la para-hotellaria aveva l'Uffizi federal da statistica fatg l'ultima giada l'onn 2003.
RR novitads 11:00