Siglir tar il cuntegn
cuntegn

Svizra Abitaziuns vidas causeschan perdita dad ina milliarda francs

Perquai ch’adina dapli abitaziuns per affittar restan vidas va a perder radund ina milliarda d’entradas entras tschains da locaziuns. Quai rapporta l’agentura da novitads svizra SDA citond in rapport da la banca chantunala da chantun da Turitg.

In cran ed ina chasa cun abitaziuns.
Legenda: En las citads èn be 1,8% da las abitaziuns che san vegnir fittadas libras. Keystone

Tenor il rapport da la Banca chantunala dal chantun da Turitg ZKB na chattian en Svizra en media 2,3% da las abitaziuns nagins affittaders. La differenza tranter regiuns da citad e da champagna saja marcanta, scriva la ZKB: Fertant ch’en las citads sajan be 1,8% da las abitaziuns che possian vegnir fittadas libras, sajan quai sin il pajais 3,8%.

La raschun per quest trend saja che bleras vischnancas hajan resguardà memia pauc ils basegns da la populaziun en questas regiuns. En pli restian las abitaziuns en la champagna savens er ditg senza locataris.

RR novitads 17:00