La taxa da bul na duai betg vegnir abolida. Quai purtass sulettamain avantatgs als concerns gronds ed a la branscha da finanzas e quels n'hajan betg da basegn quai. Da quest avis è in comité independent da la PS, ils Verds ed ils sindicats ed ha perquai lantschà il referendum cunter la decisiun dals parlament.
I n'èn anc betg passadas duas emnas che la sessiun da stad aveva mess sut tetg l'emprim project parzial per abolir la taxa da bul. Tenor quella duai la taxa d'emissiun sin agen chapital vegnir stritgada. Abolir quella vuless dir, che la Confederaziun stuess desister en futur dad entradas da var 250 milliuns francs.
Ils iniziants dal referendum argumenteschan, che l'abolir la taxa da bul vegnia fatg sin donn e cust da tuts. La perdita da taglia mainia numnadamain a quai ch'il stadi stritgia prestaziuns ubain che la taglia sin las entradas stoppia vegnir auzada.
Ord l'archiv da Radio SRF:
