Siglir tar il cuntegn

Header

Navigaziun

cuntegn

Aboliziun da l'equivalenza Bursa svizra cun dapli svieuta

Las mesiras da proteger la bursa svizra paran da far effect: Il volumen da commerzi cun aczias svizras a la bursa SIX saja s’augmentà il fanadur per 20% cumpareglià cun il mais passà. Quai ha communitgà la bursa svizra.

Normalmain èn las cifras commerzialas dal fanadur pli bassas perquai ch'igl è vacanzas da stad. Questa giada han ins dentant fatg tant commerzi cun aczias sco mai il mais fanadur dapi il 2008.

Dapi l’entschatta da fanadur na dastgan bursas cun sedia en l’Uniun europeica betg pli far commerzi cun aczias svizras. Quai sco reacziun sin l’equivalenza da la bursa svizra che n’è betg vegnida prolungada da l’UE. Sco cuntramesira ha il Cussegl federal decidì che aczias svizras ston vegnir martgadadas al commerzi en Svizra. Uschia han las bursas da l'UE pers volumen da commerzi a la bursa svizra.

RR novitads 09:00