Il Cussegl naziunal vul scumandar l’import da pail che vegn producì cun maltractar animals. El ha approvà ina moziun dal socialdemocrat Matthias Aebischer. Las cundiziuns per ils animals sin las farmas da pail en l’exteriur sajan savens nauschas, ha il socialdemocrat Matthias Aebischer ditg. Ed il pail ch’ins possia cumprar en Svizra, na saja savens betg declerà a moda suffizienta e perquai dovria in scumond.
Tenor il Cussegl federal na schlia in scumond betg il problem. Anzi pudess quai provocar in martgà illegal. Sco proxim sa fatschenta il Cussegl dals chantuns cun la moziun.
audio
Per tadlar las novitads da las 08:00
ord RTR Audio dals 14.12.2021.
laschar ir. Durada: 4 minutas 22 Secundas.