Ils schuldads duain avair introducì ina segunda granata, entant ch'ina granata betg envidada sa chattava anc en l'arma. L'explosiun ch'igl ha dà ha blessà in recrut vi da la missella, vi da la chavazza e vi dals dents. Dus ulteriurs schuldads han gì levas arsentadas.
Nagin sbagl da material e nagins sbagls da funcziun
Examinaziuns da material e da sajettar han mussà ch'il bischen da mina n'aveva nagin defect. Er las minas e las granatas n'avevan nagin defect. Uschia vegn per la giustia militara en emprima lingia en dumonda ina manipulaziun fallada.
RR novitads 10:00
