Siglir tar il cuntegn

Header

Navigaziun

cuntegn

Accident cun bittaminas In recrut blessà pli probabel pervi da malprecauziun

Pervi d'in sbagl cun manipular in bittaminas - è in recrut vegnì blessà grevamain avant var in onn e mez. Quai di la giustia militara suenter examinar il cas ed avra ina procedura cunter trais schuldads suspectads.

Ils schuldads duain avair introducì ina segunda granata, entant ch'ina granata betg envidada sa chattava anc en l'arma. L'explosiun ch'igl ha dà ha blessà in recrut vi da la missella, vi da la chavazza e vi dals dents. Dus ulteriurs schuldads han gì levas arsentadas.

Nagin sbagl da material e nagins sbagls da funcziun

Examinaziuns da material e da sajettar han mussà ch'il bischen da mina n'aveva nagin defect. Er las minas e las granatas n'avevan nagin defect. Uschia vegn per la giustia militara en emprima lingia en dumonda ina manipulaziun fallada.

RR novitads 10:00