Siglir tar il cuntegn

Header

cuntegn

Svizra Accident d’in transporter cun Svizzers en la Frantscha – 12 morts

Il viadi a chasa da la Svizra en il Portugal sur ils dis da Pasca a finì cun la mort da 12 persunas en la Frantscha centrala.

Las medias avevan descrit il vehichel l'emprim sco minibus. Tenor la giustia franzosa sa tracti dentant d'in transporter pitschen bajegià enturn, cun montar sezs. Las inquisiziuns duain uss mussar sch'il vehichel dastgava insumma transportar 12 persunas.

Il vehichel era partì la gievgia saira da Losanna. Tenor l'ambassada portugaisa a Berna èn ils passagiers dal bus stads Portugais cun domicil en ils chantun da Friburg e Vad ch'eran sin via en lur patria. Datiers da la citad Moulins en il departament Allier è il minibus collidà sin ina via regiunala cun in camiun. Il manischunz dal bus e las duas persunas en il camiun èn vegnidas blessadas.

La raschun per l'accident n'è anc betg enconuschenta. Il traject da la via nua ch’il accident è capità vala sco privlus. Tenor medias localas èn bunamain 60 pumpiers, plirs teams da salvament e radund 20 policists stads en acziun.

RR Novitads 09:00+

Artitgels legids il pli savens