Accident da lavur mortal - SBB decida mesiras immediatas
Suenter l'accident da lavur mortal tar la SBB ha l'interpresa instradà mesiras immediatas. Uschia examineschia l'interpresa dapi quest'emna tut ils tips da vaguns pertutgads, scriva l'agentura da novitads SDA.
Fin uss haja l'interpresa laschà controllas 360 portas da trens e chattà tschintg portas defectas, ha la SBB declerà ad ina conferenza da medias. Vitiers hajan ins constatà tar la controlla da la tecnica da port in sbagl fin uss anc nunenconuschent.
L'emna passada è in accumpagnader da trens sa blessà mortalmain cura ch'el era vegnì serrà tranter ina porta e runà suenter dal tren.
