Siglir tar il cuntegn

Header

cuntegn

Accident da sgol Patrouille Suisse è sgulada senza lubientscha

La Patrouillle Suisse è sgulada senza lubientscha a Zug. Sco quai ch'il president da la citad da Zug conferma, n'ha l'armada ni dumandà ni survegnì ina lubientscha per sursgular la citad.

Il zercladur aveva la Patrouille Suisse fatg in sgol da trenament, nua che dus aviuns avevan tutgà l'in l'auter. Tar las examinaziuns da l'accident saja sa mussà che l'armada haja emblidà da dumandar lubientscha per il sgol.

Ina persuna blessada pervia d’accident da sgol

Suenter la sdrimada han ils dus pudì sa tschentar a moda segira ed ils dus pilots n'èn betg vegnids blessads. Tar in dals Tiger F-5 saja il nas rut e crudà vi da la fatschada d'ina chasa. Cun crudar a terra èn sfratgadas las fanestras da la chasa. Las scalgias da vaider han blessà ina persuna levamain, communitgescha l'armada. La giustia militara vul uss intercurir il cas.

RTR novitads 18:00

Artitgels legids il pli savens