L'accident saja capità en il tunnel, radund 1,5 km davent dal portal nord a Göschenen. L'auto da persunas ord l'Ollandia era sin viadi en direcziun nord. El è vegnì sur la lingia da segirtad dubla sin l'auter vial. Là è el collidà l'emprim cun in auto-rulotta medemamain da l'Ollanda e lura cun ina camiunetta. Quai rapporta la polizia chantunala dad Uri.
Da l'accident sajan tschintg persunas vegnidas blessadas lev fin considerabel. Ellas sajan vegnidas transportadas cun ambulanzas e cun la Rega en in ospital ordaifer il chantun Uri.
Tenor l'infurmaziun da traffic dal TCS resta il tunnel serrà en omaduas direcziuns enfin questa saira las sis. Als automobilists vegn recumandà da sviar sur la ruta dal San Bernardino.
audio
Per tadlar: Las novitads da las 17:00 uras
ord Actualitad dals 19.08.2019.
laschar ir. Durada: 5 minutas 17 Secundas.
RR novitads 16:00