Il pilot da l'aviun pitschen, ch'era crudà giu la mesemna en la regiun dal Säntis ha la polizia chattà mort. Sco la Polizia chantunala dal Son Gagl communitgescha, hajan ins identifitgà la bara sco um da l'Italia da 63 onns. El era sulet da viadi da la citad tudestga Singen en la Toscana. La raschun per la crudada da l'aviun che porscha radund 10 plazs da seser n'è betg enconuschenta.
Avant trais dis era l'aviun crudà il suentermezdi. Helicopters da l'armada e da la Rega avevan chattà tocca da l'aviun en la regiun dal Säntis cunter mesemna saira. La tocca da l'aviun pitschen, oriund da la Germania, avev'ins chattà en in territori fitg maltransibel. Fin mesanotg aveva la polizia examinà il lieu da la disgrazia cun agid da dronas.