Siglir tar il cuntegn
Inhalt

Svizra Accident tranter auto da posta e camiun

Tar l'accident en l'Entlebuch en il chantun Lucerna èn otg persunas vegnidas blessadas.

Vers las 07:30 la gievgia era in auto da posta sin via da Wiggen en direcziun Escholzmatt. En l'autra direcziun era in camiun cun punt da chargiar sin via. Cura che auto da posta e camiun èn s'inscuntrads, èn ils dus vehichels cupitgads, perquai ch'il camiun aveva avert la punt da la vart vers il center da la via. Quella punt ha taglià si l'auto da posta sin l'entira lunghezza.

Tar l'accident èn otg persunas vegnidas blessadas. Duas persunas fermamain blessadas èn vegnidas transportadas cun il helicopter e tschintg levamain blessadas cun ambulanzas en l'ospital. Ulteriuras tschintg persunas betg blessadas èn vegnidas tgiradas d'in Care Team. In auto che suandava l'auto da posta è vegnì donnegià da tocs crudads. L'auto da posta è donnegià totalmain. En tut hai dà in donn material da var 330'000 francs.

RR novitads 16:00