Siglir tar il cuntegn

Header

Tren ch'è ì or dals binaris.
Legenda: Maletg simbolic. Keystone
cuntegn

Accidents da tren Il trend mussa che las viafiers vegnan adina pli segiras

L’onn passà hai dà 60 accidents da tren en Svizra. Quai resulta da las cifras che l’Uffizi federal da statistica ha communitgà. Quai èn 11 accidents pli pauc che l’onn avant, 160 pli pauc ch’avant 20 onns e 560 pli pauc ch'avant 50 onns. Il trend mussa uschia ch'il traffic da viafier vegn adina pli segir.

17 persunas èn mortas tar accidents da tren il 2019. Suicidis n’èn betg resguardads en questa statistica. Passagiers n’èn – sco quasi adina ils ultims 10 onns – betg stads tranter las unfrendas. Il 2018 èn mortas 15 persunas tar accidents da tren ed ils 10 onns avant tranter 13 e 27 ad onn. Las bleras unfrendas èn mortas il 2019 sin ils binaris e duas dad ellas sin ils passadis.

Dals accidents tar il traffic da viafier èn l'onn passà 11 stads collisiuns. Tschintg giadas èn in tren u singuls vaguns ids sur ils binaris or ed er tschintg accidents hai dà tar passadis da viafier.

RTR novitads 17:00

Artitgels legids il pli savens

Scrollar a sanestra Scrollar a dretga