Sch'ins quinta vitiers ils custs immaterials sco consequenza dal mal e la dolur resultan schizunt custs per l'economia publica da 47,5 milliardas francs.
Il post da consultaziun svizzer per la prevenziun d'accidents bfu ha calculà ils custs d'accident dal traffic, sport, chasa e temp liber ensemen cun l'interpresa da perscrutaziun Ecoplan.
Ils blers custs pervia d'accidents da traffic
La pli gronda part dals custs chaschunan ils accidents da traffic cun radund 42 %. Sulet da quests accidents resultan custs da 4,4 milliardas francs.
Ils accidents en chasa e durant il temp liber èn responsabels per 37 % u 3,9 milliardas francs dals custs totals. Ils accidents da sport fan ora 21 % u 2,2 milliardas francs.
6,9 milliardas francs custs pervia d'alcohol
Sco quai ch'il bfu scriva, possian ins cumparegliar ils custs d'accidents en il temp liber cun auters facturs da ristg per la sanadad. Il maldiever d'alcohol chaschuna per exempel en Svizra mintg'onn custs materials ed immaterials da 6,9 milliardas francs.
RR novitads 11:00