Siglir tar il cuntegn
Inhalt

Svizra Accusaziun cunter 4 alliads dal SI

La procura publica federala ha accusà 4 burgais da l'Irac al Tribunal penal federal. Als quatter Iracais vegn rinfatschà d'avair sa participà a l'organisaziun terroristica Stadi Islamic.

Bajetg dal servetsch d’infurmaziun da la confederaziun.
Legenda: Bajetg dal servetsch d’infurmaziun da la confederaziun. Keystone

Tranter auter rinfatscha la procura als umens tranter 29 e 34 onns d'avair preparà in'attatga terroristica suenter ch'els sajan vegnids en la Svizra. Ulteriurs puncts d'accusaziun èn la preschentaziun repetida da violenza, sco era la dimora illegala en Svizra.

L’accusà principal è in Iracais da 30 onns ch’è vegnì en Svizra cun grevas blessuras da guerra e che viva sco fugitiv renconuschì en il chantun Schaffusa. El duai avair empruvà da far entrar clandestinamain in terrorist.

L’inquisiziun penala era vegnida messa en moviment il mars 2014 tras infurmaziuns dal servetsch d’infurmaziun da la confederaziun, ch’aveva dà vinavant quellas a la polizia criminala federala.

RR novitads 15:00