Siglir tar il cuntegn
Inhalt

Svizra Achille Casanova è mort

L'anteriur vicechancelier e pledader dal cussegl federal Achille Casanova è mort la dumengia saira en la vegliadetgna da 74 onns. Quai suenter ina greva malsogna, sco sia figlia ha communitgà il glindesdi.

Achille Casanova (74) è stà durant 24 onns vicechancelier.
Legenda: Achille Casanova (74) è stà durant 24 onns vicechancelier. Keystone

24 onns ha Achille Casanova servì al cussegl federal sco vicechancelier. El haja emprendì d’enconuscher 26 cussegliers federals, ed el haja communitgà lur decisiuns adina cun grond gust, aveva Casanova ditg a chaschun da sia demissiun il 2005.

Il Tessinais eloquent e che saveva blers linguatgs è vegnì elegì il 1981 sco vicechancelier. Ed è uschia vegnì il substitut dal nov chancelier federal Walter Buser. Il settember 2000 ha il politicher da la PCD lura surpiglià il post dal pledader dal cussegl federal.

Mediatur public da la SRG

Suenter sia demissiun l'onn 2005 è el daventà mediatur public da la SRG. El ha manà quest servetsch da mediaziun durant 11 onns. Quai enfin l’emprim d’avrigl da quest onn cura che Roger Blum ha surpiglià la batgetta. Durant quels 11 onns ha Achille Casanova tractà bundant 2’000 dumondas concernent emissiuns da radio e televisiun.

RR novitads 15:00