La Posta svizra lavura adina dapli cun firmas che sviluppan dossiers electronics dal pazient. Oz ha ella communitgà ch’ella veglia surpigliar la maioritad dad Axsana, il pli grond furnitur. Actualmain porscha Axsana dossiers electronics dal pazient en 14 chantuns.
Il cusseglier dals chantuns appenzellais Andrea Caroni n’è betg d’accord: «La Posta sco part dal stadi na sto betg porscher servetschs dad IT».
Il cusseglier naziunal grischun Jon Pult perecunter sustegna la finamira da la Posta. Tenor el èsi bun che la Posta ha la controlla d'infurmaziuns uschè sensiblas sco il dossier electronic dal pazient.