Siglir tar il cuntegn

Header

Polizia che arresta activists.
Legenda: Ils demonstrants pretendan che la plazza da finanzas svizra termineschia fatschentas cun charvun, ieli e gas. Keystone
cuntegn

Activists dal clima Arrestà demonstrants davant UBS e CS

La polizia ha rumì bloccadas dad activists dal clima a Turitg e Basilea. En omaduas citads avevan oz en damaun radund 120 activists bloccà las entradas da las bancas grondas UBS e CS.

Arrestà 64 persunas a Turitg

Tenor atgnas indicaziun ha la polizia arrestà 64 persunas a Turitg. Ils arrestads, 30 dunnas e 34 umens en la vegliadetgna tranter 15 e 65 onns, vegnan surdads a la procura publica da Turitg. A Basilea èn 19 persunas vegnidas arrestadas.

Ils demonstrants accuseschan las bancas da finanziar acziuns che fetschian donn al clima. Els pretendan che la plazza da finanzas svizra termineschia fatschentas cun charvun, ieli e gas. Quai ha communitgà «Collective Climate Justice» sin Twitter ch'ha organisà ils protests.

RR novitads 20:00