Actur Mathias Gnädinger è mort

L'actur svizzer Mathias Gnädinger è mort en la vegliadetgna da 74 onns. Quai ha la famiglia communitgà.

Mathias Gnädinger Bild in Lightbox öffnen.

Legenda da maletgs: Mathias Gnädinger era in dals ultims gronds stars da film da la Svizra tudestga. SRF / Oscar Alessio

Cumplicaziuns durant reconvalescenza en ospital

Gnädinger aveva gì in accident ils 5 da mars e vegniva tgirà en l’ospital universitar da Turitg. Durant sia reconvalescenza en l’ospital haja quai dà cumplicaziuns cun las funcziuns da ses lom e da ses cor, ha scrit sia famiglia. Gnädinger haja perquai stuì vegnir tgirà sin la staziun intensiva.

«Prix du Public» per sia rolla en «Usfahrt Oerlike»

Mathias Gnädinger (san.) als Dis da film a Soloturn, nua ch'è è vegnì undrà cun il “Prix du Public”. Avrir maletg en lightbox.

Legenda da maletgs: Mathias Gnädinger (san.) als Dis da film a Soloturn, nua ch'è è vegnì undrà cun il «Prix du Public». Keystone

Ses ultim grond success ha Gnädinger festivà als ultims dis da film a Soloturn cun ina rolla principala en «Usfahrt Oerlike» da Paul Riniker. Il film ha commuventà il public a Soloturn uschè fitg, ch’el ha undrà il film cun il «Prix du Public».

L’actur da Schaffusa è er enconuschent da la televisiun. Sia ultima rolla aveva el en la seria «Bestatter». Là giugava el il nausch Louis Lauener.

Sia rollas pli enconuschentas:

  • «Die plötzliche Einsamkeit des Konrad Steiner» (1976)
  • «Das Boot ist voll» (1981)
  • «Leo Sonnyboy» (1989)
  • «Reise der Hoffnung» (1990)
  • «Sternenberg» (2004)
  • serias da televisiun: «Lüthi &Blanc» (2002-2007)
  • seria da televisiun: «Hunkeler» (2004-2012).
  • seria da crimi: «Tatort» (adina puspè)

Gnädinger saja adina restà modest

Cun la mort da Mathias Gnädinger perdia la Svizra in dals pli gronds acturs populars, ha ditg il schef da films tar l'Uffizi federal da cultura, Ivo Kummer a l'agentura da novitads sda. Gnädinger haja influenzà il film svizzer sur decennis, saja dentant adina restà modest.

Il reschissur Paul Riniker, ch'ha fatg ses davos film «Usfahrt Oerlike» cun Gnädinger, descriva l'actur defunct sco in carstgaun nunditg amiaivel e sensibel ed in grondius actur.

RR novitads 12:00/16:00