Suenter che l’offerta è stada sin maisa ha il cussegl d'administraziun da Kuoni communitgà, ch’el sustegnia l'offerta dad EQT che vul pajar 370 francs per aczia. Quai è in terz dapli che quai che l'aczia valeva las davosas emnas. En tut faschess quai passa 1,3 milliardas francs.
La vendita da Kuoni va en vigur, sch'i dat ina maioritad da 67% da las vuschs e passa 50% dal chapital d'aczias. Las emprimas uras suenter l’offerta èn gia vegnids vendids 180’000 titels, bleras giadas dapli ch’il volumen d’in di intermediar.
RR Novitads 08:00