Siglir tar il cuntegn
Inhalt

Svizra Acziun d'antiterror en Svizra e Frantscha

La Procura publica federala ha perquirì pliras chasas en ils chantuns Neuschatel e Vad. Ina persuna saja vegnida arrestada.

Policist.
Legenda: Acziun da polizia (archiv). Keystone

Las persunas suspectadas hajan scrit messadis «preoccupants» sur il servetsch da messadis electronics «Telegram», han investigaturs franzos ditg a l'agentura da novitads franzoisa AFP. Els hajan discurrì dad acziuns violentas.

Arrestà ina persuna en la Svizra franzosa

La procura publica svizra ha perquirì mardi pliras chasas en ils chantuns Vad e Neuschatel. Là haja la polizia arretà ina persunas da 23 onns. Tenor la procura publica suenter investigaziuns che marschian dapi il zercladur da l'onn passà.

Sclerir motivaziun ed intenziun

Cumenzà avevan las investigaziuns cun ina denunzia penala dal chantun Vad. Investigar, investighescha la procura publica concret pervi dad eventualmain avair cuntrafatg a la lescha che scumonda gruppaziuns terroristicas – sco per exempel «Stadi Islamic» ed «Al-Kaida». Sclerì vegn ussa la motivaziun e las intenziuns da las persunas suspectadas.

Nagins indizis per plans concrets

Plans concrets per acziuns violentas n'hajan ins però betg. Uschia punctuescha la procura publica federala ch'i valia la presumziun d'innocenza per tut las persunas pertutgadas.

RR novitads 14:00