Siglir tar il cuntegn

Header

Auto da Nez Rouge.
Legenda: Ils teams èn mintgamai en trais per via: ina persuna charrescha, la segunda sco persuna accumpagnanta. La terza suonda cun l'auto da Nez Rouge al domicil per silsuenter purtar a chasa ils collegas a la centrala. Keystone
cuntegn

Svizra Acziun «Nez Rouge» cun record

Il servetsch «Nez Rouge» ha transportà ils dis da festa passads radund 35'000 persunas, quai che munta 16'900 viadis. Tenor ils responsabels è quai in augment da 2%, cumpareglià cun l'onn avant.

Creschì è era il dumber da las persunas che han fatg sco voluntaris ils transports. Quai scrivan ils responsabels da «Nez Rouge». Quest onn èn radund 10'000 voluntaris e voluntarias sa mess a disposiziun.

La saira da Nadal ed il di da Nadal han ins purtà a chasa 3'900 persunas. Il team dal servetsch porta a chasa persunas che n'èn betg pli ablas da charrar. L'acziun cumenza ils 30 da november e finescha il di da Bumaun.

Nez Rouge

Personen-Box aufklappenPersonen-Box zuklappen

Il servetsch Nez Rouge datti dapi bunamain 30 onns en Svizra. L'emprima giada han ins manà tras l'acziun en il chantun Giura. L'iniziativa per quest servetsch deriva da Québec en il Canada.

La finamira è da reducir il dumber d'accidents ch'i dat en connex cun persunas che n'èn betg pli ablas da charrar sin via.

RR novitads 15:00