En l'entira Svizra han divers bajetgs traglischà cotschen la notg passada – tranter auter era l'opera a Turitg. Uschia ha la branscha d'occurrenzas e da cultura fatg attent sin lur situaziun en la crisa da corona. L'acziun dad illuminar cotschen bajetgs sut il num «Night of Light» è vegnida lantschada d'interpresas e lieus d'occurrenzas sco er da persunas activas en la cultura.
Las novas libertads che valian dapi il glindesdi fetschian bain speranza, las reglas da distanza che valian anc adina, na lubeschian dentant betg d'organisar occurrenzas a moda economica. Vitiers vegnia che persunas che lavuran sur sasez n'han nagin dretg pli sin lavur curta. E cun midadas tar la cumpensaziun da gudogn per independents, vegnian las perspectivas per persunas activas en la cultura mendras.
La branscha pretenda perquai vinavant e fin ch'igl è puspè pussaivel da lavurar normal in sustegn finanzial da la Confederaziun.
