Questa damaun han activits dal clima occupà las sedias principalas da las bancas grondas Credit Suisse ed UBS a Turitg e Basilea. Las persunas han tranter auter bloccà las entradas cun velos e sadellas cun plantas. La polizia da la citad da Turitg ha confermà in'acziun sin il Paradeplatz.
Tenor ils demonstrants èn pliras 100 persunas sa participadas als protests. Quellas pretendan che la plazza da finanzas svizra sorteschia per immediat dal charvun, l'ieli ed dal gas, sco quai ch'il collectiv «Climate Justice» communitgescha via Twitter. Ils activists renfatschan a las bancas grondas da finanziar acziuns e fatschentas che fan donn al clima.
RR novitads 08:00