Siglir tar il cuntegn
cuntegn

Svizra Ad Engelberg han ins observà in urs

Ad Engelberg en il chantun Sursilvania han ins glindesdi observà in urs. Ins ha vis l'animal datiers la Gerschnialp.

Datiers da la Gerschnialp han ins vis in urs.
Legenda: Datiers da la Gerschnialp han ins vis in urs. SRF

I sa tractia probablamain dal medem animal ch'ins haja vis il 2017 en ils chantuns Uri e Berna. Quai communitgescha l'Uffizi da guaud e cuntrada da la Sursilvania. L'urs han ins gia vis l'emna passada en il chantun Uri, sco la «Luzerner Zeitung» ha rapportà online. L'administratur da chatscha ha confermà la scuverta. Emprovas dals excrements duain ussa sclerir l'identitad da l'urs.

Pauc privel da scuntrar l'urs

Sin fundament da fastizs han ins pudì constatar che l'urs è chaminà dal Urner Meiental sur il Grasen en direcziun Engelberg. Igl n'è betg cler en tge direcziun che l'animal sa mova uss. La probabilitad ch'in viandant scuntra uss in urs è fitg pitschen. L'urs saja dentant in animal da rapina. Ins stoppia tegnair distanza.
RR novitads 06:00