AdBlue: Ensemen a la tschertga da camiuns manipulads

Per constatar meglier manipulaziuns vid las svapurs da camiuns e cars, sa mettan uffizis federals e la branscha d'autos ensemen. Las controllas duain daventar pli simplas e pli spertas, scrivan l'Uffizi federal da vias, l'Uffizi federal d'ambient, Auto-Svizra e l'Astag.

Differents apparats cun cabels sin ina maisa Bild in Lightbox öffnen.

Legenda da maletgs: Intgins dals apparats per manipular cun AdBlue, confiscads da la polizia sin la ruta dal Gottard. Keystone

Manipulads vegnan camiuns e cars cun in apparat illegal. Quel supprima annunzias da sbagls che la purificaziun da svapurs na funcziuneschia betg. Uschia na ston ins betg agiuntar al tanc il liquid AdBlue che reducescha fitg l'emissiun da svapurs nuschaivlas. Il liquid custa var 1.50 francs per 100 kilometers.

Plirs tschient camiuns han las autoritads svizras controllà fin uss sin talas manipulaziuns. Da quels èn bunamain 100 vehichels stads manipulads. Tut ils camiuns eran da l'exteriur, ils blers da l'Europa da l'ost e da l'Italia.

RR novitads 17:00