Siglir tar il cuntegn
Inhalt

Svizra Adecco surpiglia interpresa en ils Stadis Unids

Per 412,5 milliuns dollars surpiglia l'intermediatur da plazzas Adecco la firma General Assembly.

Logo Adecco.
Legenda: En futur vul l'Adecco s'integrar sin l'integraziun dals novs acquists. Keystone

L’intermediatur da plazzas Adecco rinforza sia purschida da furmaziun. Quai cun l'acquist da la firma General Assembly en ils Stadis Unids.

Tenor atgnas indicaziuns hajan ins suttascrit ina cunvegna definitiva e la transacziun duai esser terminada enfin la fin dal segund quartal. La finamira saja da cuntanscher in lev gudogn tar l'Adecco il 2019.

General Assembly

L'interpresa s'occupa da la furmaziun digitala e da la transfurmaziun da la carriera. Fundada è l'interpresa vegnida il 2011. Ils davos dus onns è l'interpresa creschida per mintgamai 30%.

Integrar ed acquistar atgnas aczias

Quai duai dentant esser il davos acquist d'aczias pli grond per l'Adecco il 2018. Ins veglia uss sa focussar sin l'integraziun dals acquists. Ultra da quai vul l'Adecco cumprar enavos atgnas aczias. Uschia vul il concern pajar enavos fin a 150 milliuns euros als acziunaris.

RR novitads 10:00