Siglir tar il cuntegn

Svizra Adina damain vatgas da latg en Svizra

Dapi ils onns 80 n'hai betg pli dà uschè paucas vatgas da latg en Svizra. L'october han ins dumbrà 560'000, quai conferma il servetsch d'infurmaziun agricul LID.

ina vatga brina cun tachels sin ina pastgira
Legenda: Adina pli paucas vatgas dattan dentant adina dapli latg. Keystone

Il motiv principal per quai svilup è il pretsch da latg bass. Blers purs hajan reducì lur muntaneras u insumma dà si da producir latg. Blers manaschis purils hajan midà sin producziun da charn.

Damain vatgas da latg na munta però betg er damain latg. Dapi il zercladur è la producziun da latg schizunt sur il nivel da l'onn passà, malgrà che l'effectiv da vatgas è pli bass. Declerà vegn quest augment cun la genetica moderna dals animals.

RR novitads 18:00