Tut en tut dettia radund 4'800 accidents ad onn en tals parcs. En 3 da 5 cas sajan pertutgadas persunas tranter 10 e 19 onns. Mesapipas, sigls e cursas da cross valan sco gronda attracziun en ils territoris da skis.
La SUVA appellescha perquai da:
- metter si chapellina, protecturs da dies e protecturs da mauns
- sa stgaudar avant ch'ir sin sigls
- examinar la pista ed ils sigls avant ch'empruvar ora novs trics
- eleger trics che correspundan a las atgnas capacitads
- adattar la sveltezza, il sigl ed il sgol a la zona da sa platgar
- trenar la cundiziun gia avant la stagiun d'enviern
RR novitads