Passa in mez milliun persunas en Svizra han ponderà las ultimas duas emnas da far suicidi. 200'000 han gia fatg ina prova da suicid, 33'000 ils davos 12 mais.
Il dumber en il zuppà è dentant pli probabel anc pli aut. D'ina vart perquai ch'ils dumandads dian per il pli ord turpetg betg adina la vardad. Per l'autra cumpiglia la statistica da l'oberservatori per sanadad svizzer betg las persunas ch'èn cunzunt periclitadas da far suicidi, sco per exempel praschuniers, pazients en clinicas psichiatricas u era requirents d'asil.
Depressiun è in dals motivs
Las raschuns principals da vulair far ina fin cun l'atgna vita èn tenor statistica cunzunt malsognas, sa sentir persul, betg crair en sa sez ed esser senza lavur. Differenzas tranter um e dunna, u era pertutgant vegliadetgna datti betg tenor statistica. En egl dat dentant che 7 da 10 persunas cun patratgs da suicidi en Svizra pateschan da depressiuns.
Fimaders han damain curaschi ch'alcoholichers
Surprendent detagl: Persunas che han gia empruvà da prender la vita consumeschan tenor analisa damain alcohol per di che quels che n'èn betg periclitads d'in suicid. Persuenter fiman persunas che vulan far suicid pli savens che auters – 27,1% fiman. Percunter be 17,8% che n'èn betg periclitads da far suicidi fiman.
RR novitad 18:00