Siglir tar il cuntegn
cuntegn

Svizra Adina dapli lavur da Nadal

vendidera (anonimisà)
Legenda: Vendiders e furniturs - però era emploiads en la farma e bancas lavuran era durant tschertas dumengias e firads. Keystone / archiv

Adina pli savens hai num lavurar las dumengias e da firads per Svizzers e Svizras. Ils davos trais onns è il dumber da dumondas lubidas creschì per var in terz - sin pli che 2'000 ha confermà il Secretariat da stadi per l'economia Seco a la «Sonntags-Zeitung». Da quests 2000 lubientschas ad interpresas sa cumuleschan radund 800 sin la lavur durant ils firads da Nadal. Pertutgadas èn en tut radund 70'000 plazzas en l'entira Svizra.

La gasetta da la dumengia vegn a la conclusiun che questa creschientscha ha pliras raschuns. Tranter auter las midadas dals basegns da consumentas e consuments – però era l'indispensabladad tecnica ed economica.

Mintga interpresa che vul lavur speziala durant dumengias u firads sto dumandar lubientscha tar il Seco. Dumondas datti da las pli differentas branschas sco fatschentas da vendita e furniturs fin tar firmas da farma, bancas ed interpresas industrialas. Collavuraturas e collavuraturs han lura dabun in supplement da paja dad almain 50%.

RR novitads 09:00