Siglir tar il cuntegn

Header

cuntegn

Svizra Adina dapli pendularis dovran il tren

Persunas cun in'occupaziun en Svizra penduleschan adina pli ditg e pli lunsch. Passa la mesadad charrescha vinavant cun auto a la lavur. Ils ultims onns è però er s'augmentà il dumber dals pendularis da tren, uschia l'Uffizi federal da statistica.

Tgi che banduna sia chasa u abitaziun per ir a lavurar vala sco pendulari.

Actualmain èn quai radund 3,8 milliuns, u bun 9 da 10 persunas. S'augmentà marcantamain è la cumpart dals occupads che lavuran ordaifer la vischnanca nua ch'els vivan: dapi l’onn 2000 hai dà in augment da 6%.

Per part lungs viadis per ir a lavurar

Il 2013 ha in pendulari en media fatg passa 14 kilometers per viadi ed impundì 30 minutas. Da 10 pendularis passenta 1 perfin dapli ch’in’ura en il traffic da lavur.

Traffic tranter citads grondas è s’augmentà

Era tranter las grondas citads è il dumber da pendularis creschì, numnadamain sin 30’600 persunas. Da Turitg sco era da Lucerna a Berna penduleschan radund 3,5 giadas dapli persunas che anc avant 15 onns.

RR novitads 15:00

Artitgels legids il pli savens