Mintga 13avla persuna cun activitad da gudogn en Svizra ha pli ch'ina occupaziun pajada. Sco l'Uffizi federal da statistica scriva, repartan dunnas pli savens lur pensum da lavur sin pliras plazzas che umens: Da tut las dunnas occupadas èn quai 10% e da tut ils umens percunter mo 5,5 %. Quai resulta da l'enquista svizra davart la populaziun activa (SAKE) da l'Uffizi federal da statistica.
Vis sur ils davos trais decennis è la cumpart da las persunas cun pliras occupaziuns s'augmentada fermamain. L'onn 1991 muntava la cumpart anc a 4,1 % da tut las persunas cun activitad. Cun 7,6% è la cumpart bunamain sa dublegiada fin il 2017.
RR novitads 11:00