Dapi l'onn 2000 è il dumber da persunas senza confessiun quasi sa triplà. Il 2017 tutgavan 26% da las persunas che vivan en Svizra tar questa gruppa. Ellas furman la segund gronda gruppa en la statistica da religiuns ed han uschia surpassà ils refurmads.
Ils refurmads furman il 2017 cun 23,8% anc la terz gronda gruppa. L'onn 2000 eran quai anc 33,9%. Ils ultims 20 onns ha la Baselgia refurmada pers ils pli blers commembers.
La pli gronda gruppa furman dapi il 1980 ils catolics. Il 2017 muntava la cumpart dals catolics a bun in terz, numnadamain 35,9%. L'onn 2000 eran quai anc 42,3%.
Cifras grischunas sa differenzieschan
En il Grischun è il maletg in auter. Ils catolics èn la ferma confessiun cun 43% avant ils refurmads cun 32%. Las persunas senza religiun han en il Grischun ina cumpart da 18%.
RR novitads 12:00