Svizra - Adina dapli rauba vegn transportada tras las Alps cun la viafier
L'onn passà ha la viafier transportà tanta rauba tras las Alps sco anc mai. La quantitad è s'augmentada per 3,5% entant ch'ils transports da camiuns èn sa reducids per 2%. Quai communitgescha l'Uffizi federal da traffic.
La viafier ha ussa ina cumpart da transports tras las Alps da passa 67%. Quai è la pli auta cumpart dapi l'introducziun da la taxa sin il traffic da camiuns pesants l'onn 2001. Ils camiuns han fatg l'onn passà 1,033 milliuns transports tras las alps. Tenor lescha dastgass quai esser davent il 2018 sulet 650'000 transports.
