Siglir tar il cuntegn
Inhalt

Svizra Adina dapli velocipedists portan ina chapellina

Per turas da velo en il temp liber portan pli che la mesadad dals velocipedists ina chapellina.

persunas cun chapellinas da velo.
Legenda: Adina dapli velocipedists portan ina chapellina da velo. Keystone

En Svizra portan quest onn per l'emprima giada passa la mesadad dals velociclists ina chapellina. Quai communitgescha il post da consultaziun svizzer per la prevenziun d'accidents BfU.

I dettia dentant anc grondas differenzas tut tenor per tge intent ch'ins va cun velo. Tar turas cun velo durant il temp liber portan 55% ina chapellina. Sin il viadi da scola munta la quota a 43% e sin la via a la lavur a 37%. Tar ils e-bikes svelts, nua che la chapellina è obligatorica fan quai sulet 87% dals velociclists. Sin ils e-bikes normals munta la quota da purtar chapellina a 67%.

Anc insuffizienta saja la protecziun tar persunas che van cun in scooter, sco il BfU scriva. Bain portan bunamain tuts ina chapellina. Però gnanc mintga quart porta ina giacca da tgirom u da material resistent cunter l'isar. E mo 42% da las persunas portan guants.

RR novitads 12:00