Siglir tar il cuntegn

Header

Navigaziun

cuntegn

Svizra Adina daplirs laschan sparter

En Svizra han in zic dapli pèrs laschà sparter l'onn passà. Cun 16'200 divorzis è il dumber creschì per radund 2%. Quai resulta da las novas cifras da l'uffizi federal da statistica.

Purtret d'in pèr da nozzas da plastic giun plaun.
Legenda: Betg be adina dapli divorzis – er adina pli paucs maridan insumma. Keystone

En media tegna ina lètg uschia vinavant 15 onns. Cuntinuescha il trend, saja d'ir da quai anora che duas da tschintg lètgs vegnan divorziadas in di. L'onn passà hai però dà damain maridaglias cun radund 40'000. Quai èn 2% damain ch'anc il 2017. Malgrà che la populaziun crescha, resta il dumber da las maridaglias sin il nivel dals onns 90. Anc pli clera è la reducziun tar ils partenadis registrads. Quels èn sa reducids dad 800 sin 700.

RR novitads 15:00