En cumparegliaziun cun il rest da l'Europa è quai la quota la segund auta. Sulettamain en ils Pajais Bass è quella anc pli auta. Là lavura la mesadad en pensum parzial.
Pli pauc surstar fa che dunnas en Svizra lavuran trais giadas pli savens parzialmain ch'ils umens. Tenor las novas cifras da l'Uffizi federal da statistica è il dumber dad umens che lavuran parzialmain dentant s'augmentà ils ultims 20 onns pli fitg che tar las dunnas. Quai cun 8,4 puncts procentuals. Tar las dunnas è la cumpart che lavura pli pauc che 50% schizunt ida enavos dapi il 1997.
La raschun principala per lavurar parzialmain numnan las dunnas la tgira dals uffants. Ils umens ina scolaziun u in studi.
RR novitads 12:00