Siglir tar il cuntegn
Inhalt

Svizra Adina pli blers tractaments ambulants

Il 2016 hai dà en ils ospitals svizzers 18,3 milliuns consultaziuns ambulantas e radund 1,5 milliuns consultaziuns staziunaras.

Chombra en in spital
Legenda: Adina dapli pazients sa laschan tractar ambulant. Keystone

Ch'i dat adina dapli tractaments ambulants ha era in'influenza sin ils quints dals ospitals. Ils custs en la sparta ambulanta èn creschids ils davos tschintg onns duas giadas usche fitg sco en la sparta staziunara. Numnadamain per 6.5% sin 7.4 milliardas francs. Vul di: adina dapli pazients sa laschan tractar en l'ospital e van suenter a chasa.

12% da la populaziun èn vegnids ospitalisads

Ils custs per dimoras staziunaras èn il 2016 stads tar 18,6 milliardas francs. En media custa in cas staziunar 12'900 francs. Quai èn 100 francs pli pauc che il 2015. Ils custs staziunars èn ils davos tschintg onns s'augmentads per 3,5%.

Ils 1,5 milliuns tractaments staziunars èn repartidas sin bun 1000 persunas. Damai han 12% da la populaziun gì ina dimora staziunara en in ospital il 2016. Quai èn 0,5% dapli che l'onn passà.

Dapli disturbis psichics e da cumportament

Motiv per bun 190'000 tractaments en l'ospital èn artrosa, problems cun las giugadiras e cun il dies. Però era blessuras e malsognas da la circulaziun èn motivs frequents.

Per l'emprima giada hai il 2016 era dà dapli che 100'000 cas pervia da disturbis psichics e da cumportament. Cunzunt disturbis affectivs sco la depressiun èn il motiv principal ed schi numerus sco aunc mai.

RR novitads 12:00