Adina pli paucas dunnas prendan «la pirla»

En Svizra preservan adina pli paucas dunnas cun la pirla anticonceptiva. Marcanta saja la sminuziun tar preparats prescrits cun in ristg pli aut per embolias dal pulmun e trombosas d'avainas.

Divers pachets da pirlas anticonceptivas Bild in Lightbox öffnen.

Legenda da maletgs: La pirla anticonceptiva è «out» Keystone

Tar pirlas che cuntegnan la substanza activa «Drospirenon» saja la vendita ida enavos per 56 %. Insumma, tranter ils onns 2012 e 2015 è il dumber da las prescripziuns da la pirla sa reducì per 7%. Quai ha il Cussegl federal respundì ad ina interpellaziun ord il parlament.

Dumber sa reducescha vinavant

Il Cussegl federal quinta che questas cifras sa reduceschan vinavant. Da nov na duain pirlas che cuntegnan «Drospirenon» numnadamain er betg pli vegnir prescrittas tar persunas cun problems da acna. L'institut per medischina Swissmedic aveva decidì l'atun passà da stritgar tar 33 sorts da pirlas da ormons cumbinadas l'avis sin avantatgs en connex cun acna.

En 16 cas ha i dà ina fin mortala

Swissmedic ha registrà davent da l'onn 1990 enfin il 2015 sedesch cas mortals en connex cun embolias dals pulmuns, chaschunadas entras la pirla. Surtut in cas d'ina giuvna da 16 onns ch'è impedida dapi ch'ella ha prendì la pirla "Yasmin" ha procurà per lingias grossas en las medias.

RR novitads 16:00