Tar l'administraziun federala hai dà il mardi ina cyberattatga, suenter la visita dal president ucranais Wolodimir Selenski a Tavau. La gruppaziun russa «No Name» è sa declerada responsabla, communitgescha l’Uffizi federal per la segirezza digitala.
La gruppaziun ha argumentà l'attatga cun la visita da Selenski al WEF. L'attatga DDoS saja però vegnida spetgada ed uschia spertamain constatada, scriva l’uffizi federal. Pliras paginas da l'administraziun federala n’èn per in temp betg pli stadas accessiblas. Datas n'hajan ils hackers però betg pudì tiers.
La Tagesschau da SRF ha rapportà:
video
Il president ucranais fa sia emprima visita en Svizra
Or da Tagesschau dals 15.01.2024.
laschar ir. Durada: 4 minutas 55 Secundas.
