Il Cussegl federal aveva proponi il november Lobsiger per la successiun da Hanspeter Thür. Lez ha finì ses uffizi la fin da l’onn passà suenter esser stà 14 onns protectur da datas federal.
Il protectur da datas federal vegn elegi mintgamai per 4 onns. Administrativ fa el part da la Chanzlia federala, ma la funcziun è independenta.
Betg persvadì tuts
Adrian Lobsiger era fin uss directur suppleant da l’Uffizi federal da polizia fedpol. Parts dal parlament avevan dubità la qualificaziun da Lobsiger, sco represchentant da l’autoritad da la persecuziun penala haja el in interess da rimnar uschè bleras datas sco pussaivel. Auters avessan giavischà in candidat pli datiers da l’economia, cunzunt da l’economia che sa fatschenta cun arcunar datas.
RR Novitads 10:00