- La Procura publica federala duai investigar cunter l'anteriur cusseglier naziunal Christian Miesch.
- La cumissiun da dretg dal Cussegl dals chantuns vul retrair l'immunitad da Miesch.
En l'affera da Kasachstan vesa la cumissiun in connex direct tranter il cumportament da Miesch e ses uffizi. La Procura publica federala suppona che Miesch haja incassà daners per inoltrar in'interpellaziun.
Concretamain giaja per corrupziun passiva ed avantatgs. Miesch duai avair pajà in abunament general al lobbist Thomas Borer, il secretari da la gruppa Svizra-Kasachstan.
Cumissiuns betg perina
La cumissiun d'immunitad dal Cussegl naziunal aveva refusà da retrair l'immunitad parlamentara da Miesch. Quai cun l'argumentaziun che l'interess instituziunal dal parlament prevalia l'interess legal.
Sche la cumissiun d'immunitad dal Cussegl naziunal votescha ina segunda giada cunter l'aboliziun, è la dumonda giud maisa.
RR novitads 14:00
