Siglir tar il cuntegn

Header

cuntegn

Affera da subvenziuns La SBB e BLS ston pajar enavos bunamain 60 milliuns francs

Las viafiers federalas SBB e la societad da trens Bern-Lötschberg-Simplon BLS ston pajar enavos bunamain 60 milliuns francs, perquai ch’ellas han retratg nungiustifitgadamain subvenziuns.

Sur 6 onns n'ha la societad da trens BLS sapientivamain betg nudà las entradas ch'ella ha fatg cun ils bigliets da mesa taxa. Perquai ha l’Uffizi federal da traffic inoltrà ina denunzia penala encunter la societad da trens. La BLS ha uss da pajar enavos 49 milliuns francs a la Confederaziun ed a differents chantuns, scriva l’Uffizi da traffic.

Sbagl da quintar tar la SBB

Era la SBB ha da pajar enavos subvenziuns ch'ella ha retratg nungiustifitgadamain. Las Viafiers federalas han quintà ensemen fauss las entradas dal traffic a distanza ed il traffic regiunal ch'è subvenziunà. La SBB ha dentant sezza percurschì il sbagl ed infurmà l’Uffizi federal da traffic. Ils 8,8 milliuns francs ha l'interpresa schon pajà enavos. Tranter auter era al chantun Grischun.

audio
Per tadlar curt e cumpact
ord RTR Audio dals 09.04.2021.
laschar ir. Durada: 1 minuta 12 Secundas.

RTR novitads 12:00

Artitgels legids il pli savens