Siglir tar il cuntegn

Header

Hermann Lei.
Legenda: Hermann Lei cumpara davant la dretgira discrictuala da Turitg. Ses advocat Valentin Landmann pretenda acquittament. Keystone
cuntegn

Svizra Affera Hildebrand - il process cumenza

Il cas ha bittà grondas undas e la fin finala fatg crudar il pli aut banchier da la Svizra. Davant la dretgira districtuala dal chantun Turitg ha oz cumenzà il process da l’affera Hildebrand. L’accusà politicher da la PPS Hermann Lei pretenda acquittament.

Bun quatter onns suenter l’uschenumnada affera Hildebrand ha oz cumenzà il process davant la dretgira districtuala dal chantun Turitg.

Ils accusads: in informaticher ed in politicher

L’informaticher accusà duai avair copià las datas da banca da Philipp Hildebrand ch’era lura president da la Banca naziunala svizra ed uschia cuntrafatg al secret da banca ed a la lescha davart las bancas. El duai vegnir sentenzià a 12 mais praschun cundiziunà.

Il segund accusà, il giurist e politicher da la PPS dal chantun Turgovia Hermann Lei, duai avair mirà per contacts tar differents politichers, tranter auter er tar Chrsitoph Blocher. Lei è accusa per cumplicitad tar la violaziun dal secret da bancas. El duai vegnir sentenzià ad in chastì monetar cundiziunà.

Avertura da la sentenzia ils 13 d’avrigl

Entant che Hermann Lei è cumparì davant la dretgira, n’era l’informaticher betg preschent. El era dispensà pervi da malsogna.

A l’entschatta dal process e gia vegnì annunzià il termin per l’avertura da la sentenzia. Sche tut va tenor plan, lura vegn la sentenzia averta la mesemna, ils 13 d’avrigl a las 08:30.

RR novitads 10:00

sda/SRF/alb

Artitgels legì il pli savens

Nach links scrollen Nach rechts scrollen