Siglir tar il cuntegn

Header

Navigaziun

Purtret da Thomas Borer, anteriur ambassadur svizzer en la Germania
Legenda: L'anteriur ambassadur e lobist Thomas Borer sa vesa sco unfrenda dad ina campagna en chaussa «Kasachstan». Keystone
cuntegn

Affera Kasachstan Para nagina corrupziun da Borer e Miesch

La procedura penala encunter l’anteriur cusseglier naziunal Christian Miesch e l’anteriur ambassadur Thomas Borer è mess ad acta. La firma da Borer conferma l’infurmaziun ch'è da leger en la «Neue Zürcher Zeitung».

Encunter ils dus umens è vegni investigà pervi d'in pajament en connex cun l'uschenumnada affera da Kasachstan.

L'anteriur cusseglier naziunal da la PPS Christian Miesch era accusà dad avair incassà raps per inoltrar ina interpellaziun. Ils raps sajan vegnids pajads da l’anteriur ambassadur e lobist Thomas Borer ch'era da quel temp secretari da la gruppa Kasachstan-Svizra. I sa tractia dad ina summa da passa 4'600 francs.

Ils raps èn vegnids pajads per sbagl aveva Thomas Borer confermà. Miesch haja pajà enavos quels.

Per pudair intercurir il cas aveva la cumissiun correspundenta dal Cussegl naziunal abolì l’immunitad parlamentara da Christian Miesch. Cun quai è el l’emprim politicher en l’istorgia Svizra a quel che è vegnì abolì l’immunitad.

La procura publica federala na piglia anc betg posiziun cunquai che la decisiun po anc vegnir contestada.

RR novitads 12:00