Uss èsi definitiv: Il cusseglier guvernativ da Genevra, Pierre Maudet, n’è betg pli commember da la PLD. La suprastanza da la PLD Genevra ha decis cun 22:1 vuschs ed ina abstenziun da sclauder il politicher dispitaivel da la partida. Quai rapporta l'agentura da novitads svizra SDA. Cunter questa decisiun po Maudet recurrer entaifer 30 dis e quai tar l'assemblea generala da la PLD.
Pierre Maudet era vegnì l'emna passada puspè sut nova pressiun: Lura aveva annunzià la procura publica genevrina, da vulair metter il politicher dispitaivel avant dretgira.
Il cusseglier guvernativ da Genevra vegn supponà dad avair acceptà regals, tranter auter er in viadi da luxus ad Abu Dhabi. La procura publica investighescha.
