- La retschertga communabla Cryptoleaks da «Rundschau», ZDF e «Washington Post» ha scuvert in'operaziun da spiunadi mundiala dals Stadis Unids da l'America e da la Germania.
- Il dossier che cumpiglia 280 paginas dal servetsch secret demussa ch'igl è vegnì spiunà cun apparats da codaziun da la firma Crypto SA da Zug. Ils apparats eran manipulads.
- L'operaziun da spiunascha ha durà tentor retschertgas fin almain il 2018.
- Tenor retschertgas da la «Rundschau» ha il Cussegl federal inizià ina examinaziun. Il departament per economia ha sistì la permissiun d'export generala per apparats da Crypto.
Famas èn vegnidas confermadas (retschertga SRF – per tudestg)
L’anteriura Crypto AG dal chantun Zug ha fatg durant plirs decennis fatschentas cun apparats da codar manipulads. Ils servetschs secrets dals Stadis Unids e da la Germania han uschia pudì spiunar or stadis sin l’entir mund. Las dimensiuns èn enormas: Dapli che 100 stadis èn vegnids spiunads.
La CIA ed il servetsch tudestg d’infurmaziuns han cumprà l’interpresa il 1970. Quai mussan documents dal servetsch secret che la Rundschau da SRF ha survegnì. Il Cussegl federal ha bloccà per immediat la vendita da tals apparats entras la successura da l’interpresa.
RTR novitads 14:00