La procura publica dal Principadi dal Liechtenstein haja furnì l'entschatta da fanadur infurmaziuns a Turitg. Quai ha confermà il procuratur public responsabel dal Liechtenstein envers l'agentura da novitads sda. Il portal per novitads da finanzas «Inside Paradeplatz» aveva annunzià quai. Tenor il portal pudess ina societad fiduziara dal Liechtenstein avair giugà ina rolla tar fatschentas dispitaivlas da Pierin Vincenz e ses partenari da fatschenta Beat Stocker.
Recapitulaziun eveniments Pierin Vincenz
Avrir la boxSerrar la box
Finma investighescha transacziuns dad Aduno e Raiffeisen, nua che Pierin Vincenz gioga ina rolla (tar Aduno sco president dal Cussegl d'administraziun, tar Raiffeisen sco CEO). Da sclerir: Sch'i ha dà in conflict d'interess ubain schizunt donns, cura che Raiffeisen ha cumprà Aduno.
December 2017: Finma sistescha la procedura cunter Pierin Vincenz, suenter che lez è sa retratg da tut las funcziuns da manar tar la Helvetia.
December 2017: Aduno e Raiffeisen fan denunzia penala cunter Pierin Vincenz ed in'ulteriur commember dal cussegl d'administraziun.
25-1-2018: Vincenz desista dal presidi en il Cussegl d'administraziun da la Repower.
27-2-2018: La polizia interroghescha Pierin Vincenz e fa perquisiziuns en pliras chasas. La procedura marscha cunter Vincenz e quatter ulteriuras persunas.
3-3-2018: Pierin Vincenz vegn en arrest d'inquisiziun.
12-6-2018: Procura publica lascha liber Pierin Vincenz cun cundiziuns. Las inquisiziuns cuntinueschan.
18-7-2018: Schef da la Raiffeisen, Patrik Gisel, sa retira per la fin dal 2018. Cun quest pass vul el finir la debatta publica enturn sia persuna e proteger la reputaziun da la banca.
27-9-2018:La procura publica ha avert ina procedura cunter l'um da fatschenta da Genevra Stéphane Barbier-Mueller per avair gidà a gestiun malfidaivla.
9-11-2018: In di avant la radunanza da delegads hai num en ina communicaziun che Patrik Gisel dat giu per immediat tut sias funcziuns. Uschia sajan el ed il cussegl d'administraziun sa cunvegnids.
3-11-2020: Suenter dus onns e mez ha la procura publica turitgaisa serrà giu sias inquisiziuns. L'accusa encunter Pierin Vincenz stat. Er Beat Stocker vegn accusà dasper Pierin Vincenz. Ulteriuras set persunas èn pertutgadas da las investigaziuns.
